Бақытжан Шөмішбайұлы Сариев

Қызмет түрі

Төтенше және Өкілетті Елші дипломатиялық дәрежесі бар.

Туған күні мен жері

1971 жылғы 24 желтоқсанда Алматы қаласында дүниеге келген.

Білімі

• Қазақ мемлекеттік сәулет-құрылыс академиясы.
• Қазтұтынуодағының Қарағанды экономикалық университеті.
• Мамандықтары: инженер, заңгер.

Өмірбаян

Бақытжан Сариев – мемлекеттік қызметші және дипломат. 1996–1999 жылдары Премьер-министр Кеңсесінде жұмыс істеп, 1999–2019 жылдары Сыртқы істер министрлігінде бақылау мен кадр мәселелеріне жауапты басшылық қызметтер атқарды, ведомство аппаратын және министр Кеңсесін басқарды.

2016–2017 жылдары СІМ-нің Әдеп жөніндегі уәкілі міндетін қосымша атқарды. 2019 жылғы наурызда Президент Кеңсесі бастығының орынбасары болып тағайындалды.

Кейін Президент Әкімшілігінің Мемлекеттік қызмет және кадр саясаты бөлімін басқарды. 2022 жылғы маусымда Қазақстан Президенті Кеңсесінің бастығы болып тағайындалды.

Инженерлік және заңгерлік білімі бар, Төтенше және Өкілетті Елші дипломатиялық дәрежесіне ие.

Еңбек жолы

• 1996–1997 – Қазақстан Республикасы Премьер-министрі Кеңсесінің Құжаттамалық қамтамасыз ету бөлімінің маманы, аға маманы.
• 1997–1999 – сол бөлімнің референті, аға референті.
• 1999–2002 жылдары – Сыртқы істер министрлігінің Әкімшілік департаменті Кадр және бақылау басқармасының Бақылау бөлімінің бастығы.
• 2002–2003 жылдары – Сыртқы істер министрлігі Аппараты Кадр басқармасының бастығы.
• 2003–2007 жылдары – Сыртқы істер министрлігінің Аппарат басшысы.
• 2007–2019 жылдары – Сыртқы істер министрі Кеңсесінің басшысы.
• 2016 жылғы ақпан – 2017 жылғы қазан – Сыртқы істер министрлігінің Әдеп жөніндегі уәкілі міндетін қосымша атқарды.
• 2019 жылғы наурызда Қазақстан Республикасы Президентінің Кеңсесі бастығының орынбасары лауазымына тағайындалды.
• 2019–2022 жылдары Қазақстан Республикасы Президенті Әкімшілігінің Мемлекеттік қызмет және кадр саясаты бөлімінің меңгерушісі.
• 2022 жылғы маусымда Мемлекет басшысының Жарлығымен Қазақстан Республикасы Президенті Кеңсесінің бастығы болып тағайындалды.

Марапаттары

• 2006 – «Ерен еңбегі үшін» медалі.
• 2012 – «Құрмет» ордені.
• 2017 – «Үздік мемлекеттік қызметші» төсбелгісі.
• 2019 – Қазақстанның сыртқы саясатына қосқан үлесі үшін СІМ-нің Нәзір Төреқұлов атындағы медалі.
• 2021 – «Парасат» ордені.
• 2026 – III дәрежелі «Барыс» ордені.
• Тоғыз мерейтойлық медаль.