Қуанышбек Бақытбекұлы Есекеев

Туған күні мен жері

1975 жылы Алматы қаласында дүниеге келген.

Білімі

• Әл-Фараби атындағы Қазақ ұлттық университеті.
• Т. Рысқұлов атындағы Қазақ экономикалық университеті.
• Hult халықаралық бизнес мектебі – іскерлік басқару магистрі.
• Физика-математика ғылымдарының кандидаты.

Өмірбаян

Қуанышбек Есекеев – ақпараттық технологиялар, телекоммуникация және мемлекеттік басқару салаларында қызмет атқарған басшы. Еңбек жолын қолданбалы математика оқытушысы болып бастап, кейін «Қазақойл», «Қазақстан темір жолы» және мемлекеттік ведомстволардың бөлімшелерін басқарды.

2007–2010 жылдары Ақпараттандыру және байланыс агенттігінің төрағасы, 2010–2024 жылдары «Қазақтелеком» басқармасының төрағасы болды. 2024–2025 жылдары Қазақстан Президентінің кеңесшісі болып жұмыс істеді.

2025 жылғы 9 қыркүйекте Президенттің көмекшісі болып тағайындалды. Әл-Фараби атындағы университетті, Т. Рысқұлов атындағы экономикалық университетті және Hult бизнес мектебін бітірген.

Іскерлік басқару магистрі, физика-математика ғылымдарының кандидаты.

Еңбек жолы

• 1997 жылғы ақпан – әл-Фараби атындағы Қазақ ұлттық университетінің қолданбалы математика кафедрасының аға оқытушысы.
• 1998–2000 жылдары – «Қазақойл» акционерлік қоғамы Ақпараттық технологиялар департаментінің директоры.
• 2000–2002 жылдары – «Қазақстан темір жолы» департаментінің басшысы.
• 2002 жылы – ҚР Қаржы министрлігінің Ақпараттандыру департаментінің директоры.
• 2002–2003 жылдары ҚР Экономика және бюджетті жоспарлау министрлігі Ақпараттандыру департаментінің директоры.
• 2003–2004 жылдары – Қазақстан Республикасы Қаржы министрлігі Ақпараттандыру департаментінің директоры.
• 2004–2006 жылдары – Қазақстан Республикасы Ақпараттандыру және байланыс агенттігі төрағасының орынбасары.
• 2006–2007 жылдары – Қазақстан Республикасы Ақпараттандыру және байланыс агенттігі төрағасының міндетін атқарушы.
• 2007–2010 жылдары – Қазақстан Республикасы Ақпараттандыру және байланыс агенттігінің төрағасы.
• 2010–2024 жылдары – «Қазақтелеком» акционерлік қоғамының басқарма төрағасы.
• 2024–2025 жылдары – Қазақстан Республикасы Президентінің кеңесшісі.
• 2025 жылғы 9 қыркүйекте Мемлекет басшысының Жарлығымен Қазақстан Республикасы Президентінің көмекшісі болып тағайындалды.

Марапаттары

• 2010 – ЕҚЫҰ саммитіне арналған телекоммуникация қызметтерін дайындау және техникалық қолдау үшін Қазақстан Президентінің алғыс хаты.
• 2011 – «Құрмет» ордені.
• 2015 – «Қазақстан халқы Ассамблеясына 20 жыл» мерейтойлық медалі.
• 2018 – «Астанаға – 20 жыл» мерейтойлық медалі.
• 2018 – «Парасат» ордені.