Нұрлан Серікұлы Байбазаров

Туған күні мен жері

1975 жылғы 10 қазанда дүниеге келген.

Білімі

• Қазақ мемлекеттік басқару академиясы, «Банк ісін ұйымдастыру» мамандығы.
• Executive MBA дәрежесі.

Өмірбаян

Нұрлан Байбазаров қаржы ведомстволары мен банктерде қызмет атқарып, даму институттарын басқарған. Еңбек жолын 1997 жылы Қаржы министрлігінде бастады, кейін Қазақстанның даму банкінде және Ұлттық экономика министрлігінде қызмет атқарды.

2016–2022 жылдары Өнеркәсіпті дамыту қоры басқармасының төрағасы болды. Одан кейін Қазақстанның даму банкін және «Бәйтерек» холдингін басқарды.

2024 жылғы ақпаннан желтоқсанға дейін Премьер-министрдің орынбасары – Ұлттық экономика министрі қызметін атқарды. 2025 жылы Премьер-министрдің экономикалық мәселелер жөніндегі кеңесшісі, кейін Президент Әкімшілігінің Инвестициялар және сауда бөлімінің меңгерушісі болды.

2026 жылғы 25 наурызда Қазақстан Президентінің экономикалық мәселелер жөніндегі көмекшісі болып тағайындалды. Қазақ мемлекеттік басқару академиясын «Банк ісін ұйымдастыру» мамандығы бойынша бітірген, Executive MBA дәрежесі бар.

Еңбек жолы

• Еңбек жолын 1997 жылы Қазақстан Республикасы Қаржы министрлігінен бастап, Бюджет және Мемлекеттік қарыз алу департаменттерінде маман, бас маман, бөлім басшысы лауазымдарын атқарды.
• 2004–2011 жылдары – «Қазақстанның даму банкі» акционерлік қоғамы Жобаларға агенттік қызмет көрсету басқармасының басшысы, Инвестициялық жобалар жөніндегі басқарушы директоры, Корпоративтік даму департаментінің директоры, Корпоративтік хатшысы.
• 2013–2016 жылдары – Қазақстан Республикасы Ұлттық экономика министрлігі Экономика салаларын дамыту департаментінің директоры.
• 2016 жылдан 2022 жылдың қарашасына дейін – «Өнеркәсіпті дамыту қоры» АҚ директорлар кеңесінің мүшесі және басқарма төрағасы.
• 2022 жылғы қарашадан 2023 жылғы қазанға дейін – «Қазақстанның даму банкі» АҚ директорлар кеңесінің мүшесі және басқарма төрағасы.
• 2023 жылғы қазан – 2024 жылғы ақпан – «Бәйтерек» ұлттық басқарушы холдингінің директорлар кеңесінің мүшесі және басқарма төрағасы.
• 2024 жылғы ақпаннан желтоқсанға дейін – Қазақстан Республикасы Премьер-министрінің орынбасары – Ұлттық экономика министрі.
• 2025 жылғы ақпаннан қазанға дейін – Қазақстан Республикасы Премьер-министрінің экономикалық мәселелер жөніндегі кеңесшісі.
• 2025 жылғы 15 қазанда Мемлекет басшысының өкімімен Қазақстан Республикасы Президенті Әкімшілігі Инвестициялар және сауда бөлімінің меңгерушісі болып тағайындалды.
• 2026 жылғы 25 наурыз күні Мемлекет басшысының Жарлығымен Қазақстан Республикасы Президентінің экономикалық мәселелер жөніндегі көмекшісі болып тағайындалды.