Алексей Владимирович Цой

Туған күні мен жері

1977 жылы Шымкент қаласында дүниеге келген.

Білімі

• 2001 – Оңтүстік Қазақстан мемлекеттік медицина академиясы.
• 2004 – Қазақ мемлекеттік медицина академиясы, PhD дәрежесі.
• 2007 – «Дәнекер» халықаралық құқық және бизнес институты.
• 2015 – Ресей Президенті жанындағы Ресей халық шаруашылығы және мемлекеттік қызмет академиясының Корпоративтік басқару жоғары мектебі және Алматы менеджмент университеті, іскерлік әкімшілік докторы (DBA) дәрежесі.

Өмірбаян

Алексей Цой – дәрігер, зерттеуші және денсаулық сақтау саласының басшысы. Хирург-эндоскопист және ғылыми қызметкер болып жұмыс істеді.

Қазіргі заманғы медициналық технологияларды енгізу орталығын, Президент Іс басқармасының Медициналық орталығын және Астанадағы № 1 қалалық аурухананы басқарды. 2014–2019 жылдары Денсаулық сақтау және әлеуметтік даму министрінің орынбасары, кейін Денсаулық сақтау министрінің орынбасары болды.

2020–2021 жылдары Денсаулық сақтау министрінің бірінші орынбасары және министрі қызметтерін атқарды. 2022–2025 жылдары Президент Іс басқармасының Медициналық орталығын қайта басқарды.

2025 жылғы 14 қазанда Қазақстан Президентінің әлеуметтік мәселелер жөніндегі кеңесшісі болып тағайындалды. Медицина және басқару салаларында білім алған, PhD және DBA дәрежелері бар.

Еңбек жолы

• 2001–2007 жылдар аралығы – ҚР Денсаулық сақтау министрлігі «Ұлттық медицина орталығы» республикалық мемлекеттік кәсіпорны Қайта қалпына келтіру хирургиясы орталығының хирург-эндоскопист дәрігері, аға ғылыми қызметкері, Ішкі медицина орталығының жетекші ғылыми қызметкері.
• 2007–2010 жылдар аралығы – ҚР Президенті Іс басқармасы Қазіргі заманғы медициналық технологияларды енгізу орталығының директоры.
• 2010–2011 жылдар аралығы – ҚР Президенті Іс басқармасы Медициналық орталығының басшысы.
• 2011–2014 жылдар аралығы – Астана қаласы әкімдігі №1 қалалық ауруханасының бас дәрігері.
• 2014–2017 жылдар аралығы – ҚР Денсаулық сақтау және әлеуметтік даму министрінің орынбасары.
• 2017–2019 жылдар аралығы – ҚР Денсаулық сақтау министрінің орынбасары.
• 2019–2020 жылдар аралығы – ҚР Президенті Іс басқармасы Медициналық орталығының басшысы.
• 2020–2021 жылдар аралығы – ҚР Денсаулық сақтау министрінің бірінші орынбасары, Денсаулық сақтау министрі.
• 2022 жылы – ҚР Президентінің штаттан тыс кеңесшісі.
• 2022–2025 жылдар аралығы – ҚР Президенті Іс басқармасы Медициналық орталығының жетекшісі.
• 2025 жылдың 14 қазанында Мемлекет басшысының Өкімімен Қазақстан Республикасы Президентінің кеңесшісі болып тағайындалды.

Марапаттары

• «Құрмет» ордені.
• «Парасат» ордені.