Мағзұм Маратұлы Мырзағалиев

Туған күні мен жері

1978 жылғы 7 қарашада Алматы қаласында дүниеге келген.

Өмірбаян

Мағзұм Мырзағалиев мұнай сервистік компанияларда және Қазақстанның энергетика саласындағы мемлекеттік органдарында қызмет атқарған. 2001 жылы Теңіз кен орнындағы MI Drilling Fluids International компаниясында бұрғылау ерітінділері жөніндегі инженер болды.

Кейін бизнесті дамытумен айналысып, компанияның Қазақстандағы филиалын басқарды. 2007–2010 жылдары «ТеңізСервис» компаниясын басқарды, одан кейін «ҚазМұнайГазда» басшылық лауазымдарды атқарды.

Мұнай және газ министрінің орынбасары, Энергетика министрінің орынбасары, Экология, геология және табиғи ресурстар министрі, Энергетика министрі болды. 2022–2024 жылдары «ҚазМұнайГаз» басқармасының, 2023–2025 жылдары KAZENERGY қауымдастығының төрағасы қызметін атқарды.

2025 жылғы 13 ақпанда Қазақстан Президентінің кеңесшісі болып тағайындалды. Ағылшын және түрік тілдерін меңгерген.

Еңбек жолы

• 2001 – Қазақстандағы Теңіз кен орнында MI Drilling Fluids International (Schlumberger) компаниясының бұрғылау ерітінділері жөніндегі инженері.
• 2002 жылы Schlumberger компаниясының Қазақстандағы филиалынан компанияның мансаптық даму бағдарламасына іріктеуден өтіп, АҚШ-тың, Малайзияның және Батыс Сібір кен орындарында тағылымдамадан өткен. Қазақстанға оралғаннан кейін бизнесті дамыту менеджері болып жұмыс істеді, содан кейін Қазақстандағы MI Drilling Fluids International филиалының басшысы болып тағайындалды.
• 2007–2010 жылдары – «ҚазМұнайГаз» ҰК АҚ «ТеңізСервис» ЖШС бас директоры.
• 2010–2012 жылдары – «ҚазМұнайГаз» ҰК АҚ басқарушы директоры.
• 2012–2013 жылдары – «ҚазМұнайГаз» ҰК АҚ Басқарма төрағасының инновациялық даму және сервистік жобалар жөніндегі орынбасары.
• 2013–2014 жылдары – Қазақстан Республикасы мұнай және газ министрінің орынбасары.
• 2014 жылдан 2019 жылдың маусым айына дейін Қазақстан Республикасы Энергетика министрінің орынбасары.
• 2019–2021 жылдары – Қазақстан Республикасының Экология, геология және табиғи ресурстар министрі.
• 2021 жылы қыркүйектен 2022 жылға дейін – Қазақстан Республикасының Энергетика министрі.
• 2022 жылы 13 қаңтардан бастап Мемлекет басшысының өкімімен Қазақстан Республикасы Президентінің кеңесшісі болып тағайындалды.
• 2022–2024 жылдары – «ҚазМұнайГаз» ҰК АҚ Басқарма төрағасы.
• 2023–2025 – KAZENERGY қауымдастығының төрағасы.
• 2025 жылғы 13 ақпанда Қазақстан Республикасы Президентінің кеңесшісі болып тағайындалды.

Марапаттары

• «Құрмет» ордені.
• «Ерен еңбегі үшін» медалі.