Роман Скляр

Туған күні мен жері

1971 жылғы 8 мамырда Павлодарда туған.

Білімі

• Павлодар мемлекеттік университеті – инженер-құрылысшы.
• Мәскеу қазіргі заман бизнес институты – экономист.
• Қазақ құқықтану және халықаралық қатынастар институты – заңгер.

Өмірбаян

Роман Скляр еңбек жолын Екібастұзда слесарь-монтажшы болып бастаған. Павлодардың жеке компанияларында, кейін қалалық және облыстық әкімшілік органдарында жұмыс істеді, Астананың инфрақұрылымы мен коммуналдық шаруашылығы саласында басшылық қызмет атқарды.

Көлік және коммуникация вице-министрі, «Қазақстан темір жолы» вице-президенті, Мәжіліс депутаты, Индустрия және инфрақұрылымдық даму министрі болды. 2019–2022 жылдары Премьер-Министрдің орынбасары, 2022–2026 жылдары бірінші орынбасары қызметін атқарды.

2026 жылғы 5 мамырда Қазақстан Республикасы Президенті Әкімшілігінің Басшысы болып тағайындалды.

Еңбек жолы

• 1989 – «Экибастузуглеавтоматикада» слесарь-монтажшы.
• 1989–1990 – «Казпромтехмонтажда» монтаждаушы.
• 1990 жылдан – Павлодардағы «Вахинвестте» қауіпсіздік жөніндегі инженер.
• 1990–1999 – «Ансат-Павлодар» коммерциялық бөлімінің бастығы, директордың орынбасары, бас директор.
• 1999–2002 – Павлодардағы «Тыныс» директоры.
• 2002–2003 – Қаржы министрлігінің дәрменсіз борышкерлермен жұмыс комитеті облыстық басқармасының бөлім бастығы.
• 2003–2005 – Павлодар қалалық әкімшілік органдарында қызмет атқарды.
• 2005 жылғы қаңтардан – Павлодар облысы әкімінің бас инспекторы.
• 2005 жылғы сәуірден – Павлодар қаласы әкімі аппаратының басшысы.
• 2006 жылдан – Павлодар қаласы әкімінің орынбасары.
• 2006–2007 – Астана әкімі аппаратының инфрақұрылымды дамыту бөлімінің меңгерушісі.
• 2007–2008 – Астананың Энергетика және коммуналдық шаруашылық департаментінің директоры.
• 2008–2010 – Павлодар облысы әкімінің орынбасары.
• 2010–2011 – Павлодар облысы әкімінің бірінші орынбасары.
• 2011–2013 – Көлік және коммуникация вице-министрі.
• 2014–2016 – «Қазақстан темір жолы» вице-президенті.
• 2016 – Мәжіліс депутаты, Экономикалық реформа және өңірлік даму комитетінің төрағасы.
• 2016 жылғы мамырдан – Ұлттық экономика вице-министрі.
• 2016–2019 – Инвестициялар және даму вице-министрі, кейін бірінші вице-министрі.
• 2019 жылғы ақпан–қыркүйек – Индустрия және инфрақұрылымдық даму министрі.
• 2019–2022 – Премьер-Министрдің орынбасары.
• 2022–2026 – Премьер-Министрдің бірінші орынбасары.
• 2026 жылғы 5 мамыр – Президент Әкімшілігінің Басшысы болып тағайындалды.