Мәлік Нұржанұлы Отарбаев

Қызмет түрі

Атташе дипломатиялық дәрежесіне ие. Ағылшын және түрік тілдерін меңгерген.

Туған күні мен жері

1980 жылы Жамбыл облысында туған.

Білімі

• 2001 – Сүлейман Демирел атындағы университеттің Халықаралық экономикалық қатынастар факультеті.
• 2006 – әл-Фараби атындағы Қазақ ұлттық университетінің Халықаралық қатынастар және сыртқы саясат факультетінің аспирантурасы.

Өмірбаян

Мәлік Отарбаев – редактор, дипломат және мемлекеттік қызметші. 2006–2014 жылдары «Диалог Еуразия» және «Қаламгер» журналдарында, Қазақстан Жазушылар одағында қызмет атқарды.

Кейін Мәдениет және спорт министрлігінің ТҮРКСОЙ ұйымындағы өкілі болды, Қазақстанның Түркиядағы елшілігінде жұмыс істеді. 2018–2019 жылдары Түркістан облысы әкімінің орынбасары болды.

Кейін «Қоғамдық келісім» мекемесінің бөлімшесін және мекеменің өзін, Қолжазбалар және сирек кітаптар ұлттық орталығын, әл-Фараби атындағы университеттің «Рухани жаңғыру» жобалық кеңсесін басқарды. 2022 жылғы 27 сәуірде Қазақстан Президентінің кеңесшісі болып тағайындалды.

Атташе дипломатиялық дәрежесі бар, ағылшын және түрік тілдерін меңгерген.

Еңбек жолы

• 2006–2012 жылдары – «Диалог Еуразия» (Қазақстан) журналының жауапты хатшысы, бас редакторы.
• 2012–2014 жылдары – Қазақстан Жазушылар одағына қарасты «Қаламгер» журналының бас үйлестірушісі, Қазақстан Жазушылар одағының басқарма хатшысы және сыртқы байланыс бөлімінің меңгерушісі.
• 2014–2016 жылдары – Қазақстан Республикасы Мәдениет және спорт министрлігінің Халықаралық ТҮРКСОЙ түркі мәдениетін дамыту ұйымындағы өкілі.
• 2016–2018 жылдары – Қазақстан Республикасының Түркия Республикасындағы Елшілігінің үшінші хатшысы.
• 2018–2019 жылдары – Түркістан облысы әкімінің орынбасары.
• 2019–2020 жылдары – Қазақстан Республикасы Президенті жанындағы «Қоғамдық келісім» республикалық мемлекеттік мекемесі Қазақстан халқы Ассамблеясы жұмысының ғылыми-әдістемелік қызметінің басшысы.
• 2020 жылы – Қазақстан Республикасы Ақпарат және қоғамдық даму министрлігі «Қоғамдық келісім» республикалық мемлекеттік мекемесінің директоры.
• 2020–2021 жылдары – Қазақстан Республикасы Мәдениет және спорт министрлігі «Қолжазбалар және сирек кітаптар ұлттық орталығы» республикалық мемлекеттік мекемесінің директоры.
• 2021–2022 жылдары – Әл-Фараби атындағы Қазақ Ұлттық университеті «Рухани жаңғыру» жобалық кеңсесінің директоры, Басқарма басшысы-Ректорының кеңесшісі.
• 2022 жылғы 27 сәуірде Мемлекет басшысының өкімімен Қазақстан Республикасы Президентінің кеңесшісі болып тағайындалды.

Марапаттары

• 2021 – «Ерен еңбегі үшін» медалі.
• 2024 – «Құрмет» ордені.