Нұралин Асылбек Жамашұлы

Білімі

• 1981 – Қарағанды политехникалық институты
• 1990 – Қазақ мемлекеттік басқару академиясы

Өмірбаян

Асылбек Нұралин 1981 жылы Қарағанды политехникалық институтын, 1990 жылы Қазақ мемлекеттік басқару академиясын бітірген. Металлургия өндірісінде шебер, жерасты тау-кен жұмысшысы және тау-кен техникалық қадағалау инспекторы болып еңбек еткен.

1991 жылдан бастап еңбек жолы тау-кен металлургия саласының кәсіподақ ұйымдарымен байланысты. 2010–2020 жылдары «Қазпрофметалл» кәсіптік одағын, 2020–2025 жылдары QAZAQMETAL KASIPODAGY кәсіптік одағын басқарған.

Мәжілістің VIII шақырылымында Әлеуметтік-мәдени даму комитетінің мүшесі болған. Парламент өз өкілеттігін 2026 жылғы 1 шілдеде тоқтатты.

Еңбек жолы

• 1981–1982 – Востокмашзавод шойын құю цехының ауысым шебері, Өскемен.
• 1982–1986 – Қ. Сәтбаев атындағы Жезқазған тау-кен металлургия комбинатының құю цехының шебері, жерасты тау-кен жұмысшысы.
• 1986–1990 – Жезқазған округі Мемлекеттік тау-кен техникалық қадағалау басқармасының инспекторы.
• 1990–1991 – Никольский қалалық партия комитетінің ұйымдастыру бөлімінің нұсқаушысы.
• 1991 – Никольский қалалық партия комитетінің Оңтүстік кеніші парткомының хатшысы.
• 1991 – Оңтүстік Жезқазған кенішінің 65-шахтасының тау-кен шебері.
• 1991–1993 – 65-шахта кәсіподақ комитеті төрағасының міндетін атқарушы, төрағасы.
• 1993–1994 – «Жезқазғанцветмет» АҚ кәсіподақ комитеті төрағасының орынбасары.
• 1994–1998 – Оңтүстік Жезқазған кенішінің кәсіподақ комитетінің төрағасы.
• 1998–2005 – «Қазақмыс корпорациясы» кәсіподақ комитеті төрағасының бірінші орынбасары.
• 2005–2006 – Қазақстандағы тау-кен металлургия өнеркәсібі еңбекшілері кәсіподағы төрағасының орынбасары.
• 2006–2010 – «Қазақмыс корпорациясы» кәсіподақ комитетінің төрағасы.
• 2010–2020 – «Қазпрофметалл» салалық тау-кен металлургиялық кәсіптік одағының төрағасы.
• 2020–2025 – «QAZAQMETAL KASIPODAGY» кәсіптік одағының төрағасы.

Марапаттары

• 2016 – «Құрмет» ордені
• 2024 – «Парасат» ордені