Әбенов Мұрат Абдуламитұлы

Туған күні мен жері

1965 жылғы 20 тамыз

Білімі

• 1990 – Абай атындағы Қазақ педагогикалық институты, «математика және информатика пәндерінің мұғалімі» мамандығы
• 2002 – Қазақ гуманитарлық-заң университеті, «заңгер» мамандығы.

Өмірбаян

Мұрат Әбенов білім беру саласында және мемлекеттік қызметте жұмыс істеді. 2005–2007 жылдары Қызылорда облысы әкімінің орынбасары, 2007–2011 жылдары IV сайланған, 2012 жылы V сайланған Мәжілістің депутаты болды.

2012–2013 жылдары білім және ғылым вице-министрі қызметін атқарды. 2013–2018 жылдары «Өрлеу» және «Атамекен» ұйымдарының басшылық қызметтерінде жұмыс істеді, 2018–2023 жылдары «Серпін» Ұлттық білім және инновациялар палатасының президенті болды.

Еңбек жолы

• 1984–1986 – Кеңес армиясының қатарында әскери міндетін өтеді.
• 1990–1991 – Қызылорда қаласында С. Сейфуллин атындағы № 4 орта мектепте информатика және есептеуіш техника пәнінің мұғалімі.
• 1991 – Қызылорда қалалық білім беру бөлімінің кадр және негізгі қызмет инспекторы.
• 1991–1992 – Қызылорда қаласында 1 Мамыр атындағы № 1 қазақ мектеп-лицейі директорының оқу-тәрбие ісі жөніндегі орынбасары.
• 1992–1993 – Қызылорда қалалық әкімшілігі қоғамдық пікірді болжау және баспа бөлімінің бас маманы.
• 1993–1999 – Алматы қаласында «Атамекен» ЖШС директорының орынбасары.
• 1999–2000 – Қызылорда облысы әкімі аппараты ұйымдастырушылық-бақылау бөлімінің консультанты.
• 2000–2002 – Қазақстан Республикасы Мемлекеттік қызмет істері агенттігінің Қызылорда облысы бойынша басқармасының бастығы.
• 2002–2005 – Қызылорда облыстық ішкі саясат департаментінің директоры.
• 2005–2007 – Қызылорда облысы әкімінің орынбасары.
• 2007 – Қызылорда облысы әкімі аппаратының басшысы.
• 2007–2011 – төртінші сайланған Қазақстан Республикасы Парламенті Мәжілісінің депутаты.
• 2012 – бесінші сайланған Қазақстан Республикасы Парламенті Мәжілісінің депутаты.
• 2012–2013 – Қазақстан Республикасы Білім және ғылым вице-министрі.
• 2013–2016 – «Өрлеу» біліктілікті арттыру ұлттық орталығы АҚ директорлар кеңесінің төрағасы.
• 2016–2017 – «Атамекен» Қазақстан Республикасы Ұлттық кәсіпкерлер палатасы Басқарма төрағасының орынбасары.
• 2017–2018 – «Атамекен» ҚР ҰКП Төралқасы жанындағы Ақпараттық-коммуникациялық технологиялар, білім және инновациялар комитетінің төрағасы.
• 2018–2023 – «Серпін» Ұлттық білім және инновациялар палатасының президенті.