Ерлан Тынымбайұлы Қарин

Туған күні мен жері

1976 жыл; Түркістан облысы, Сайрам ауданы, Ақсу ауылы.

Білімі

• 1996 – Қ. Жұбанов атындағы Ақтөбе мемлекеттік университетін «Тарих және география» мамандығы бойынша бітіріп, тарих және география мұғалімі біліктілігін алды.
• 1999 – әл-Фараби атындағы Қазақ мемлекеттік университетінің Философия және саясаттану факультетінің аспирантурасын аяқтады.
• Ғылыми дәрежесі – саяси ғылымдарының кандидаты.

Өмірбаян

Ерлан Қарин – Қазақстанның мемлекет қайраткері. Еңбек жолын мектеп мұғалімі болып бастап, кейін саяси зерттеу ұйымдарында, партиялық құрылымдар мен мемлекеттік органдарда қызмет атқарды.

Қазақстан Республикасы Президентінің жанындағы Қазақстан стратегиялық зерттеулер институты мен «Қазақстан» телерадио корпорациясын басқарған. Төрт кітаптың авторы және бірлескен авторы: «Балбалтас. Орхоннан Каспийге дейін» (2013), «Солдаты Халифата: мифы и реальность» (2014), Джейкоб Зеннмен бірге жазған «Между ИГИЛ и Аль-Каидой: Центральноазиатские боевики в сирийской войне» (2017) және Галина Ксенжикпен бірге жазған «Сводный каталог картографических материалов по истории Казахстана XVII – начало XX вв.» (2023).

Еңбек жолы

• 1996 – Ақтөбе қаласының № 33 мектебінде география және тарих пәндерінің мұғалімі.
• 1998 жылғы наурыз – Қазақстан даму институтының Саяси зерттеулер орталығының қызметкері, сондай-ақ Қытай және Ресей институты директорының орынбасары.
• 2000 жылғы шілде – Орталық Азия саяси зерттеулер агенттігінің директоры.
• 2002 – Қазақстан Республикасы Премьер-Министрінің штаттан тыс кеңесшісі.
• 2003 – «Асар» республикалық партиясы төрағасының бірінші орынбасары, сондай-ақ Заманауи саясат халықаралық институтының бас директоры.
• 2004 жылғы маусым – Антитеррористік бағдарламалар орталығының басшысы.
• 2006 жылғы мамыр – Маңғыстау облысы әкімінің саяси мәселелер жөніндегі кеңесшісі.
• 2008 жылғы ақпан – Қазақстан Республикасы Президентінің Әкімшілігі Ішкі саясат бөлімінің меңгерушісі.
• 2008 жылғы қараша – «Нұр Отан» партиясының стратегиялық даму жөніндегі хатшысы.
• 2013 жылғы желтоқсан – Вашингтондағы Америка университетінің арнайы шақырылған профессоры.
• 2014 жылғы қазан – Қазақстан Республикасы Президентінің жанындағы Қазақстан стратегиялық зерттеулер институтының директоры.
• 2017 жылғы ақпан – «Қазақстан» РТРК» АҚ басқарма төрағасы.
• 2019 жылғы сәуір – 2020 жылғы шілде – Қазақстан Республикасы Президентінің кеңесшісі.
• 2020 жылғы шілде – Қазақстан Республикасы Президентінің көмекшісі.
• 2022 жылғы 5 қаңтар – Қазақстан Республикасының Мемлекеттік хатшысы.
• 2022 жылғы 14 маусым – Қазақстан Республикасының Мемлекеттік кеңесшісі.
• 2026 жылғы 30 маусым – Қазақстан Республикасы Президенті Әкімшілігі Басшысының бірінші орынбасары.
• 2026 жылғы 31 тамыз – Қазақстан Республикасының Вице-Президенті болып тағайындалды.

Марапаттары

• «Құрмет» ордені (2010).
• II дәрежелі «Достық» ордені (2019).
• II дәрежелі «Барыс» ордені (2022).
• I дәрежелі «Барыс» ордені (2025).
• «Отан» ордені (2026).
• Өзбекстан Республикасының «Дружба» ордені (2024).
• Қазақстан Республикасы Президентінің Алғысы (2020, 2021).
• Қазақстан Республикасы Президентінің Құрмет грамотасы (2021).
• Қазақстан Республикасының Мемлекеттік қызмет істері агенттігінің «Үздік мемлекеттік қызметші» төсбелгісі (2022).
• Қазақстан Республикасының Ұлттық қауіпсіздік комитетінің «Ұлттық қауіпсіздікті қамтамасыз етуге қосқан үлесі үшін» медалі (2019).