Әсел Жұбанышқызы Жанасова

Туған күні мен жері

1987 жылы Алматы қаласында дүниеге келген.

Білімі

• 2010 – Кембридж университеті, компьютерлік ғылымдар, «Болашақ» халықаралық бағдарламасы.
• 2014 – Кембридж университетінің магистратурасы.
• 2014 – М. В. Ломоносов атындағы Мәскеу мемлекеттік университетінің Executive Management бағдарламасы.

Өмірбаян

Әсел Жанасова ақпараттық технологиялар, киберқауіпсіздік және цифрлық басқару салаларында қызмет атқарған. 2010–2014 жылдары Лондондағы халықаралық компанияда IT маманынан Киберқауіпсіздік департаментінің директорына дейінгі лауазымдарда жұмыс істеді.

Кейін Қазақстан Ұлттық банкінде, «Зерде» холдингінің басшысы ретінде және «Астана» халықаралық қаржы орталығының цифрлық технологиялар саласында қызмет етті. 2020–2022 жылдары Сауда және интеграция министрінің орынбасары, 2022–2025 жылдары «Қазпошта» басқармасының төрағасы болды.

2025 жылғы 8 маусымда Президент кеңесшісі, сол жылғы 10 желтоқсанда Қазақстан Президенті Әкімшілігі Басшысының орынбасары болып тағайындалды. «Болашақ» бағдарламасы бойынша Кембридж университетінде білім алған.

Кембридж магистратурасын тәмамдап, М. В. Ломоносов атындағы Мәскеу мемлекеттік университетінің Executive Management бағдарламасында оқыған. Дүниежүзілік экономикалық форумның Young Global Leader 2025 қауымдастығына және Global Women Asia Fellow 2024 халықаралық көшбасшылық бағдарламасына қатысқан.

Еңбек жолы

• 2010–2014 жылдары – Лондон қаласындағы халықаралық компанияның ақпараттық технологиялар жөніндегі маманы, Ақпараттық технологиялар басқармасының менеджері, Киберқауіпсіздік департаментінің директоры.
• 2014–2016 жылдары Қазақстан Республикасы Ұлттық банкінің Цифрлық технологиялар департаменті директорының орынбасары.
• 2016–2017 жылдары – «Зерде ұлттық басқарушы холдингі» акционерлік қоғамының басқарма төрағасы.
• 2017–2018 жылдары – «Астана» халықаралық қаржы орталығы басқарушысының кеңесшісі.
• 2018–2020 жылдары – «Астана» халықаралық қаржы орталығының цифрлық технологиялар жөніндегі басқарушы директоры.
• 2020–2022 жылдары – Қазақстан Республикасы Сауда және интеграция министрінің орынбасары.
• 2022–2025 жылдары – «Қазпошта» акционерлік қоғамының басқарма төрағасы.
• 2025 жылғы 8 маусымда Қазақстан Республикасы Президентінің кеңесшісі болып тағайындалды.
• 2025 жылғы 10 желтоқсанда Мемлекет басшысының Жарлығымен Қазақстан Республикасы Президентінің Әкімшілігі Басшысының орынбасары болып тағайындалды.

Марапаттары

• 2021 – «Қазақстан Республикасының Тәуелсіздігіне 30 жыл» мерейтойлық медалі.
• 2025 – «Құрмет» ордені.