Жайымбетов Мархабат Жайымбетұлы

Өмірбаян анықтамасы (орыс тіліндегі мәтін)

Дата рождения: 17 мая 1965 года.

Білімі

• 1993 – Волгоград ауыл шаруашылығы институты.
• 2008 – Қорқыт ата атындағы Қызылорда мемлекеттік университеті.
• 2013 – Йорк университеті.

Өмірбаян

Облыстық төтенше жағдайлар департаментін басқарды, Қызылорда облысы әкімінің орынбасары, Қызылорда қаласы мен Арал ауданының әкімі болды. 2015–2021 жылдары бірнеше министрлікте құрылыс және тұрғын үй-коммуналдық шаруашылық комитеттерін басқарды.

Кейін министрдің кеңесшісі, облыс әкімінің орынбасары және «Байқоңыр» кешеніндегі президенттің арнаулы өкілі қызметін атқарды. VIII сайланған Мәжілістің депутаты болды.

Еңбек жолы

• 1993–1997 – инженер-энергетик, «Южнефтегаз» АҚ бөлім бастығы, Қызылорда қ.
• 1997–2003 – «Құмкөл Мұнай» ААҚ бас энергетик, бұрғылау және негізгі жерасты ұңғымаларын жөндеу жөніндегі орынбасары, Қызылорда қ.
• 2003–2005 – «Петро Қазақстан Құмкөл Ресорсиз» ААҚ энергетика басқармасының және өндірісті автоматтандыру цехының бастығы, Қызылорда қ.
• 2005–2008 – Қызылорда облысы Төтенше жағдайлар департаментінің бастығы міндетін атқарушы, Қызылорда қ.
• 2008–2010 – Қызылорда облысы әкімінің орынбасары, Қызылорда қаласы.
• 2010–2013 – Қызылорда қаласының әкімі, Қызылорда қаласы.
• 2013–2014 – Қызылорда облысы Арал ауданының әкімі.
• 2014–2015 – Қазақстан Республикасы Президенті Әкімшілігінің Мемлекеттік бақылау және ұйымдастыру-аумақтық жұмыс бөлімінің мемлекеттік инспекторы, Астана қаласы.
• 2015–2016 – Қазақстан Республикасы Ұлттық экономика министрлігі Құрылыс, тұрғын үй-коммуналдық шаруашылық істері және жер ресурстарын басқару комитетінің төрағасы, Астана қ.
• 2016–2017 – Қазақстан Республикасы Ұлттық экономика министрлігі Құрылыс және тұрғын үй-коммуналдық шаруашылық істері комитетінің төрағасы, Астана қ.
• 2017–2019 – Қазақстан Республикасы Инвестициялар және даму министрлігі Құрылыс және тұрғын үй-коммуналдық шаруашылық істері комитетінің төрағасы, Астана қ.
• 2019–2021 – Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің төрағасы – Қазақстан Республикасының Бас мемлекеттік құрылыс инспекторы, Астана қ.
• 2021–2022 – Қазақстан Республикасы Индустрия және инфрақұрылымдық даму министрінің кеңесшісі, Нұр-Сұлтан қ.
• 2022 – Қызылорда облысы әкімінің орынбасары, Қызылорда қаласы.
• 2022–2023 – Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнайы өкілі, Қызылорда қ.

Марапаттары

• 2007 – «Құрмет» ордені.
• 2016 – «Қазақстан Республикасының Тәуелсіздігіне 25 жыл».
• 2018 – «Парасат» ордені.
• 2018 – «Астана 20 жыл».
• 2020 – «Қазақстан Конституциясына 25 жыл».
• 2025 – «Қазақстан Республикасының Конституциясына 30 жыл» мерекелік медалі.